Þá er bloggið komið í gang aftur, það var eitthvað smá vesen í gangi en núna er þetta allt að gera sig. Fór á föstudaginn í enn aðra vísindaferðina og var það Edda miðlun sem splæsti bjór á liðið í þetta skiptið... man ekkert hvað kallinn var að tuða en man að þeir buðu upp á fínan bjór þannig að ég er sáttur :) Eftir þessa vísindalegu ferð þá kíkti mar í eplasnafs til Steina sagnfræðinema (a.k.a. Steini Bögg). Það var allverulega hressandi djús og gerði mann örlítið sturlaðan þar sem að við Steini vorum eiginlega á góðri leið með að stúta lítersflösku af þessum djúsi á innan við klukkutíma... ég kenni enn þeim sopa um afleiðingar kvöldsins! hehe :) Við fórum svo strákarnir á Ölver þar sem sagnfræðifólkið var að slá í gegn í karokí. Það er að segja ÁÐUR en ég og Steini stigum upp á svið! Við tókum megahittarann Hit me baby one more time... ætluðum að taka Travis útgáfuna en það var ekki til þannig við tókum bara Britney gelluna, það er barað vona og sjá hvort að sú gella fari nokkuð í skaðabótamál útaf söngnum okkar (ef kalla má söng!) og nauðgun á lagi. Gæti tapað tugum jafnvel hundruðum króna í því máli! hehe. Jépps, svo kíktum við á Pravda, Celtic og Saltbarinn og það var bara heví stuð þar á ferð.
Svo var greyið mamma að lenda í algjöru rugli um daginn. Hún er að vinna í Happdrætti Háskólans og varð vitni af þessu ráni þar. Kom einhver rugludallur með byssu og stal um 100þús.. sjæse sko! Einhver ruglumbullugutti og wannabe wangsta-gangsta!
Ég er enginn Silvíu Nótt-fan en ég kíkti á þessa forkeppni fyrir Eurovision og verð ég barað segja að ég vona að lagið með henni verð sent út! :) Mér fannst þetta svo fáránlegt og kjánalegt að þetta bara verður að komast alla leið... og fyrir utan það þá voru öll hin lögin í forkeppnina (amk sem ég heyrði) hræðileg! og þá meina ég að ekki einu sinni heyrnalaus hamstur gæti sætt sig við þá tónlist! ... reyndar held ég að meginþema Eurovision sé; að eyðileggja tónlist eins og hún leggur sig og gera fólk heyrnarlaust. Það er tilgáta sem þarf varla rökstuðnings að ég held :)