Ég rakst á svolítið sérstaka kaffigerð á netinu sem kallast Kopi Luwak. Ég hef ekki smakkað þetta, og mig langar það ekkert sérstaklega mikið. Þetta er eitt dýrasta kaffi sem hægt er að finna í heiminum í dag og ég veit ekki alveg hvort að það sé útaf því að það eigi að vera svona æðislega gott, eða fínt eða hvort að það sé bara svona dýrt að búa það til.

Tilbúningur á Kupo Luwak fer þannig fram: Kaffibaunirnar eru borðaðar af einhverskonar desdýri/þefketti (Paradoxurus hermaphroditus), sem er hluti af mataræði þess. Auk þess borðar dýrið pöddur, smávaxin spendýr og ýmsa ávexti. Baununum er leyft að fara í gegnum meltingakerfi dýrsins, sem að nær einungis að brjóta baunirnar niðir að hluta til en baunirnar komast nánast heilar í gegnum meltingarkerfið. Að lokum skila kaffibaunirnar sér úr dýrinu í saurformi. Saurinn er tekinn og skolaður og léttristaður svo að sem mest bragð haldist. Þetta á víst að vera voða gott... ef þú vilt kaupa þér þá geturu smellt hér... endilega láttu mig svo vita hvernig þessi skítur bragðast!