Sælt veri fólkið! Kominn alveg 1,5 mánuður síðan maður bloggaði. En ég hef nú góða afsökun fyrir bloggleysinu - er búnað vera busy as hell!

Þetta er helvíti - þar er brjálað að gera hef ég heyrt

16. júní gengum við Erla í það heilaga! :) Við fengum alveg frábært veður (sól og smá vind), miklu betra veður en við þorðum að vona...þar sem 17. júní var daginn eftir og setur maður oft samasemmerki við þann dag og rigningu. Um morguninn kom fjölskylda Erlu og fjölskylda mín saman til að snæða morgunmat saman. Katrín systir (sem nú vinnur á Toni & Guy) gerði hárið á Erlu og vinkonum hennar. Erla fór svo eftir það til foreldra sinna til að klárað gera sig reddí. Ég gerði mig til í rólegheitunum hér heima, ásamt vinkonum hennar Erlu. Um hádegi hittumst við Erla til þess að láta taka myndir af okkur saman :) ...Erlan mín var svo ótrúlega falleg í kjólnum sínum.. glæsilegasta og fallegasta brúður/kona sem ég hef á ævi minni séð! :) Eftir myndatökuna fór ég niðrí Mosó í Lágafellskirkju til þess að taka á móti gestum, ásamt pabba, mömmu og tengdómömmu. Athöfnin byrjaði svo kl. 15:00 og var kirkjan vel full og alveg æðislega gaman að sjá hvað margir mættu :) Athöfnin tók ca. hálftíma og vorum við bæði alveg ótrúlega sátt með hvernig hún fór :) Stebbi kagglinn spilaði á gítar í kirkjunni, Sóla söng tvö lög, og Raggi spilaði undir sönginn hennar. Þetta var ekkert smá flott hjá þeim öllum! *túsend takk - enn og aftur!* :) Að athöfn lokinni stungum við Erla af í geeeeðveikum bíl - Rolls-Royce Silver Shadow, árgerð 1972.

Rolls-Royce Silver Shadow árgerð 1972

Veislan byrjaði svo kl 16:30 og var tekið á móti okkur með hrísgrjónarkasti. :) Svo skáluðum við freyðivíni með veislugestum og heilsuðum upp á fólkið. Eftir það var gengið inn í sjálfan veislusalinn, sem var glæsilega skreyttur (takk fyrir alla aðstoðina skreytingarfólk!). Boðið var upp á glæsilega og mjög svo öðrvísi smárétti sem að Francois Fons sá um. Að því loknu var boðið upp á brúðartertu sem að tengdómamma og vinkona hennar sáu um að baka (takktakk!) :P
Skemmtiatriðin í veislunni voru hreint út sagt frábær! Jónas (tengdópaps) sá um að kynna atriðin og upplýsa gesti. Stuttu eftir að smáréttirnir voru bornir fram, þá æddi inn gífurlega vígalegur sjóræningi með risa bassa með sér. Manni brá nú svolítið :P En þetta var þá víst hluti af dagskránni. Þetta var einn af bassaleikurum Sinfóníuhljómsveitar Íslands, Dean Ferrel, og sló hann algjörlega í gegn að mínu mati. Algjör snillingur þessi gaur! Síðar um kvöldið mætti enginn annar en Hörður Torfa og söng hann nokkur lög um ástina fyrir okkur og veislugesti. Við Erla stigum svo "brúðarvalsinn"...ef svo má kalla! :P Ég var í göngugipsi og frekar klunnalegur, þannig að Erla fór bara í flip-mode og gerðum við bara einhvern bull-dans! :D haha! Hann heppnaðist bara mjög vel :D Ívar náði honum meirað segja á vídjó :) Snilld! Þórður afi spilaði á nikkuna sína og Bjarni (kærasti Betu) á píanó við dansinn. Lagið sem þeir tóku heitir "Erluvals", og var það sérstaklega samið fyrir ömmu hennar Erlu (sem hét líka Erla) af langafa brúðarinnar. Þórður afi spilaði einnig undir lagið "Erla, góða Erla", en nýr texti var saminn í tilefni dagsins og heitir sú útgáfa "Erla, Bjarkans Erla". :D Pabbi samdi svo mjög svo fallegt ljóð sem hann las upp í veislunni. Ljóðið, textinn, myndir o.fl. munu birtast á brúðkaupssíðunni okkar um leið og ég hef tíma til að uppfæra hana frekar.

Brúðkaupssíðan - www.bdesign-web.com/wedding

Einnig voru sýnd tvö 15 min. myndbönd þar sem sýnd voru helstu atriði gæsunarinnar og steggjunarinnar :D Ég grenjaði úr hlátri! bwahah! XD. Svo um svona 19-20 leitið þá færðist meira fjör í leikinn og endaði veislan/partýið ekki fyrr en e-ð eftir kl. 01, eftir mismikla drykkju, SingStar-söng og mikinn gleðskap! :) Alveg frábær dagur! Ekki hægt að þakka fólkinu nægilega oft og mikið fyrir alla aðstoðina og góða mætingu!

Blogga svo fljótlega (vonandi?) um brúðkaupsferðina (23.jún - 07.júl) og afmælispartýið mitt (13.júl). Þangað til þá... útsí gútsí og faðmið kaktus!