Jújú, manninn skrapp til Kanada um daginn með konunni og tengdó. Vorum þar í 6 daga í verslunarferð í stærsu borg Nýfundnalands; St. John's og gistum á Holiday Inn. Þetta var alveg helvíti vel heppnuð ferð og kom mér bara á óvart hvað ég kann að versla! :) Reyndar er ninjan búinn að vera á danska kúrnum í einhvern tíma, þannig það var alveg kominn tími á að kaupa sér ný föt!

Fólkið þarna er ekkert smá næs, kom mér samt á óvart hvað það eru fáar ninjur þarna úti. En já, það er alveg fáááárááánlega ódýrt að versla þarna. Ég og Erla fórum t.d. í eina fatabúð og keypti ég mér þrjár hettupeysur og úlpu, Erla keypti sér 3 hettupeysur, belti og e-ð glingur. Allt þetta kostaði 10.000 kr íslenskar! Kíktum m.a. í Wal-Mart, Old Navy, Starbucks, Chapters, Aldo, Bootleg, Sears, Stickes, La Senza (úlalla!), Future Shop o.fl.

Svo þurfti maður auðvitað að lenda í einhverju kjánalegu rugli þarna úti, eins og Bjarka er vant :P Eitt kvöldið þá gat ég ekki sofnað, var barað horfa á ruðning í TV, sötra bjór og narta í snakk. Ætlaði svo að kíkja niður í lobby og kaupa mér e-ð að borða í svona mini-nasl sjálfsala. Þá rakst maður á einhverja gaura sem voru vel í glasi og buðu kjallinum upp á drykk, sem ég auðvitað þáði! :) Þá var þetta víst árshátíð fasteignasala á Nýjasjálandi og böns af einhverjum multí-millum. Svo endaði maður í einhverju partýi sem haldið var í einu af hótelherbergjunum og lenti þar á trúnó og þess háttar skemmtilegheit, hehehe. Maður vaknaði svo bara daginn eftir með trilljón bisnisskort í vösunum, haha! *kjánahrollur*

Síðasta daginn á Nýfundnalandi fórum við fjögur á rúntinn um St. John's. Skoðuðum miðbæinn betur og kíktum svo upp á Signal Hill, þar sem ýmsir sögulegir atburðir hafa átt sér stað, m.a. var fyrsta lofskeytið sent þaðan yfir Atlantshafið (árið 1901).

Nú er barað halda áfram með lærdóminn. Er að vinna í lokaverkefni fyrir kvikmyndafræði, þar sem ég mun fjalla um kvikmyndastjörnur. Ég þarf að skila verkefninu og heimaprófinu í hrollvekjum 3/4 des. eftir það taka lokaprófin við. Hópurinn sem ég er í í hrollvekjuáfanganum hélt fyrirlestur um George Romero um daginn og sá ég um að klippa ca. 10 mín myndband þar sem sýndir eru stuttur bútar úr öllum fjórum Dead-myndum Romeros. Smellið hér ef þið hafið áhuga á því að skoða myndbandið. Til gaman má geta að fimmta Dead-myndin er væntanleg á næsta ári í Evrópu; Diary of the Dead.

Þangað til næst...

ZZZZzzziiiit on a cactus, beeee-och!